Search Immortality Topics:


Nanotechnology – Wikipedia

Posted: July 8, 2016 at 7:13 am

King maleparan a kabaldugan, ing nanotechnology tutunggen ne ing metung a larangan ning siyensiyang magagamit (applied science) ampong teknolohiyang, a makaparikil king pamagkontrol o pamanagin king pekasangkap (matter) king degulan o lebel ning atom ampong molecule, keraklan manibat metung (1) anggang dinalan (100) a nanometer, ampo i ing pamangawa kareng gamit a makanyan la dagul deng pekamaulaga dang parti/dake.

Iti metung yang larangan a tutung multidisciplinary (tatagkil kareng miyayaliwang larangan): mandam ya king pisikang megamit, siensia da reng panyangkap (materials science), w:interface and colloid science, device physics w:supramolecular chemistry (ing dake ning kimikang manigaral king pamiugnayan dang noncovalent deng molecule, w:self-replicating machine at saka w:robotics, w:chemical engineering, w:mechanical engineering, w:biological engineering, ampong w:electrical engineering. Maragul ing dibati nung nanu ing lualan ning pamamanyaliksik kareng karinan a reti. Maliari yang lon ing nanotechnology antimong pamaglub o pamituglung da reng siensia king nanoscale o lebel a misnang latiktik, o antimong pamaniamasan king kabaldugan da reng siensiang atku na ba yang mas bayu at bage king salukuyan.

Adua la reng manimunang magagamit a paralan (approaches) king nanotechnology. Ketang paralan a “bottom-up” (manibatan lalam), mititikdo la reng sangkap (materials) ampong gamit (devices) ibat kareng dakeng (component) gawa kareng molecule, at miyugne-ugne la reti at mititikdo kapamilatan da reng prinsipiu ning pamangilala kareng molecule. Keta namang paralan a “top-down” (manibatan babo), mititikdo la reng nano-objects o bageng misnang latiktik ibat kareng gamit a mas maragul a e la matatagin deti king lebel a pang-atom. Linto ing nanotechnology uli ning mibayung interes king interface and colloid science, kayabe ing bayung dai o henerasiun da reng kasangkapan king pamagaral antimo ing atomic force microscope (AFM), ampo ing scanning tunneling microscope (STM). Kayagum la reng prosesu antimo ing w:electron beam lithography ampo ing molecular beam epitaxy, gewa rang posibling deng gamit a reti ing sasarian a pamanagin kareng misnang latiktik a bage (nanostructures), at uli na niti, dakal a bayung kapaliarian (novel phenomena) a mesuri.

Kayabe la kareng alimbawa ning nanotechnology deng pamangawa da reng polymer basi king pangabalangkas a molecular, ampo ing pamagdiseniu king planu o layout da reng computer chip basi king surface science. LIpat ning maragul a pangaku da reng dakal a uri ning nanotechnology, kayabe no reng quantum dot ampong nanotube, keraklan, den pamung komersial a gamit ning teknolohiyang iti keta pamung pamangamit da reng colloidal o marayuput a nanoparticle a tsarakal, antimo king suntan lotion, cosmetics (pakasanting itsura), balut a pangambil, panatad panulu,[1] ampong imalan a e mimamantsan.

Read more:
Nanotechnology – Wikipedia

Related Post

Recommendation and review posted by Guinevere Smith